O xornal electrónico achégase así ao mundo tabú do sexo mesturado cun tema as veces máis tabú incluso o uso do idioma galego. Coa unión destas dúas ideas Vieros pretende que os seus lectores se animen a afondar no mundo do sexo dende unha perspectiva galega. E é que o noso idioma ten ámbitos inexplorados incluso entre os que somos máis asiduos o seu uso.

Un idioma rico e enxeñoso como así o demostran as numerosas palabras sinónimos de cona: ameixa, antonia, berberecho, castaña, coella, cónchega, crica, faime rir/fasme rir, nacedoiro, nación, pachocha, paxara, peseta, quirica, recha e regaña. Pero tamén do carallo: Caralla, cipote, fleme, gaita, garabatillo, maneto, miñoca, moca, nabo, óso, pau, pirola, pispilete, pistolo, pito, pixa, rabo, tolete, verga e vergallo.

“Ferve a rede” é unha oportunidade única para usar o noso amplo léxico para o mundo erótico e do sexo. Xa o concurso convocado o ano pasado, foi un éxito con ducias de microrelatos enviados polos internautas algúns cheos de calidade literaria. Pode concursar calquera persoa seguindo os enlaces do concurso publicados no noso blog ou entrando na paxina de Vieiros http://www.vieiros.com/.

E é que todos debemos ter en conta que o galego é unha lingua quente.

O afán de clasificar o que nos rodea para poder simplificar as cousas lévanos ao engano. Por que se non es muller directamente xa es home?  E sobre todo, por que es unha muller ou un home? Fai uns días isto tíñao bastante claro, mais agora plantexóuseme unha cuestión. Disto non se fala, apenas hai debate na sociedade e os medios non o reflicten. Négase a realidade das persoas intersexuais como se foran un “fallo” que cómpre arranxar e así podelas incluír no estrito binomio muller-home.

Estes días no CGAC desenvolveuse un seminario, “O declive da ortodoxia? en torno ás políticas da diversidade sexual”, que contaba cunha mesa redonda na que se abordou como asunto principal a crítica ao binarismo de xénero. Non o nego, cando vin iso pareceume gracioso, coma moitos de vós, seguramente, pensei que era surrealista cuestionar que só hai dous xéneros por natureza. Quizais por iso mesmo decidín achegarme e descubrir así, cal era ese “outro sexo”.

Dentro do auditorio do CGAC, íanse resolver as miñas dúbidas. Non había moita xente, pero toda a que alí estabamos amosábamos un gran interese. Dous homes, iso foi o que pensei nun principio, sentáronse na mesa e tras unha breve presentación comezaron a falar. Definíanse como “activistas intersexuais” e criticaron o rexeitamento que sofren por parte da sociedade simplemente por ter uns xenitais ambiguos. A min iso, dende logo que me pareceu lóxico, non se pode discriminar a ninguén polo feito de ser “diferente”, pero inda non podía chegar a comprender que a intersexualidade era outro xénero e non un problema xenético.

Se digo a verdade, cando acudín a esta mesa redonda, non podía crer que ía cambiar de opinión. Malia todo, cando o primeiro poñente, Ins A Kromminga, comezou a falar e contou a súa propia historia, a miña cara mudou por completo. Sentinme indignada… …Cando naceu foi considerado como unha nena, pero logo, na puberdade, non desenvolveu como tal. Nunca lle dixeron a verdade, que era intersexual. Mentíronlle, extirpáronlle os ovarios (en realidade eran testículos internos) e mesmo tentaron facer o mesmo co clítoris dicíndolle que tiña cáncer. Era falso! Quixeron feminizala contra a súa vontade dándolle hormonas. Os seus cromosomas eran XY, é dicir, non era unha muller como querían facer os médicos. Como ben dixo… a ciencia médica é o mesmo ca violencia por querer simplificar todo en dous sexos.

Non podía crer o que estaba escoitando… pero había máis, moito máis. Como se define o sexo dunha persoa?, preguntou. O sexo defínese baseándose nos atributos sexuais… e os hermafroditas teñen os dous. Entón? Que ocorre? Non hai un límite claro entre os sexos, estes veñen impostos polos roles, pola cultura…

Os hermafroditas son como son e mellorar a vida das persoas intersexuais non consiste en seguir negándoo para convertilos en “homes-mulleres”, senón que o que cómpre é crear debate na sociedade para poder normalizalo. Dende logo, isto quedounos claro a todos os que acudimos esa tarde ao CGAC.

Enlaces de interese:

Del Lagrace Volcano, artista e activista intersexual.

Máis sobre a intersexualidade.

Esto é o que se coñece como “la petite mort“…

Este corto forma parte dunha campaña de comunicación feita pola axencia de comunicación  Seisgrados. Desenrolada para a tenda erótica Late Chocolate, consiste nunha serie de historias de mulleres, que se comunicarán só por Internet. La Petite Mort foi a primeira delas e utiliza a animación kinética para contala.

Créditos:
Concepto e desenrolo da campaña: Seisgrados
Dirección de arte: Seisgrados
Elaboración de historias: Seisgrados
Produción da Animación: Xnographics*
Cliente: Late Chocolate

Enlaces de interese:

Seisgrados-http://new.seisgrados.net/

Late chocolate-http://www.latechocolate.com/

*Xnographics Studio-http://www.pornographics.es/

*Estudo multidisciplinar de novas tecnoloxías e arte multimedia.

Pois si, Tim Patch, ou o seu nome artístico Pricasso (prick significa pene en inglés), emprega o seu propio aparello reprodutor para elaborar os seus cadros, e a verdade é que non se lle da mal de todo, senón xulguen algunha das súas obras:

Pricasso comezaría a expoñer as súas propias obras en feiras de produtos sexuais ó longo do mundo, onde chegarían a acadar grande éxito entre os asistentes, e, de feito, moitas son as persoas que lle encargan autorretratos ou representacións de personaxes coñecidas a nivel mundial, que el vende ó módico prezo de 250 euros.

Pero este peculiar artista non se conforma con ser un mero artista de feiras sexuais e este ano a súa valía artística foi recoñecida ó ser finalista do Premio Archibald de Australia, o premio de retratos máis importantes do seu país. A obra presentada é o seu propio autorretrato, ataviado cun sombreiro moi extravagante e cun lenzo en branco ocultando o seu “utensilio”:

Para finalizar, un vídeo do artista en acción retratando ó candidato á presidencia John McCain e ó presidente dos EEUU, Barack Obama. Como poden observar, a súa técnica patentada e única no mundo, na cal tanto o pene como o traseiro (utilizado para os fondos e para descansar o seu “utensilio” durante algúns minutos), acadan unha importancia vital para o desenvolvemento da obra.

Para máis información ou encargar algún cadro:

http://www.pricasso.com/

E-mail:

tim.patch1@bigpond.com

Outro gran descubrimento que traspasa fronteiras é o de Kilomba, unha pintora arxentina afincada en Barcelona que debuxa nos seus cadros ás mulleres dende un punto de vista diferente. As ilustracións mostran un mundo interior caótico cheo de tabús e fantasías, de expresión rabiosa dende unha inocencia perturbadora. Ademais, nas súas obras podemos sentir, a modo de diario adolescente, o estado mental do momento.

 Kilomba móstrannos a mulleres diferentes: vedetes, bailarinas, heroínas, mozas vudús que se ispen nas súas mans, e que, sen dúbida imitan a súa creadora reciclando a desventura con dous ovarios…Pódese dicir que o drama ten lugar detrás da obra. As figuras femininas farán realidade o seu intento de ser libres, sensuais, valentes, eróticas…

     Viaxando un pouco polo mundo destas sustancias atopámonos cunha gran cantidade de alimentos que pertencen a este grupo de estimulantes. Así encontramos manxares afrodisíacos   como os espárragos ou os plátanos pola súa forma fálica ou tamén as ostras ou as ameixas pola súa semellanza co órgano sexual feminino. A verdade é que un pode descubrir moitas cousas gracias á documentación ou a lectura. Os meus coñecementos sobre ditos estimulantes limitábanse ó pracer de comer chocolate ou de beber un vaso de viño cunha boa compañía. Pero a miña curiosidade foi mas aló e buscando información sobre alimentos que podían axudar á excitación sexual descubrín algo insólito que non sei ata que punto pode ser certo. Como unha cabeza de allo pode remove-los desexos sexuais? Ata que punto a mostaza con ese aspecto de salsa pasada pode estimula-las glándulas sexuais? E unha cebola? Paréceme que aí fóiselle un pouco da man a quen asegura que iso é certo. Aínda que a mellor forma de descubrilo é probando se realmente estes alimentos son eficaces ou non, eu dende logo prefiro quedar coa dúbida.

O certo é que países como Angola, Nicaragua, Camerún, Tanzania, Túnez, Líbano… seguen prohibindo a homosexualidade, sendo esta castigada incluso coa pena de morte. Malia todo no Líbano o sexo entre homes e animais está permitido por lei. E eu preguntome, o mundo está tolo? Realmente poden pasar estas cousas?

Pois é triste que non se permita que dúas persoas do mesmo sexo se queiran e poidan vivir en paz e harmonía pero aínda é máis triste que a lei permita certas cousas espantosas. Calquera home do Líbano pode manter relacións sexuais cun animal sempre e cando este sexa unha femia. Pola contra se o animal é macho, a persoa é condenada coa pena de morte. É dicir, ter relacións cun animal macho é o mesmo que ter relacións cunha persoa do mesmo sexo. Realmente a lei libanesa merece un aplauso pola miña parte xa que equiparar os dereitos dunha persoa ós dereitos dun animal é algo abraiante. Houbo recentemente manifestacións de colectivos homosexuais no Líbano, reivindicando o seu dereito de poder vivir como o resto de cidadáns libaneses heterosexuais. Paréceme unha vergoña que teñan que saír á rúa para lograr vivir con dignidade polo simple feito de non ser “iguais” que os demais.

E ningún membro do goberno libanés se puxo a pensar neses pobres e inocentes animais que sen máis son sometidos a tales aberracións por un grupo de psicópatas insatisfeitos e cheos de vicio. Onde quedan os dereitos deses animais?Unha vez máis a lei amósanos o ben que traballa sexa o tema que sexa, sexa a libanesa, estadounidense ou española. Ahí vai a miña ovación á lei!

“En todas as partes: políticas da diversidade sexual na arte” Con este nome arranca unha exposición no CGAC, que ten como eixo central as distintas representacións do concepto de diversidade sexual no terreo da arte, principalmente dende o 69 até hoxe. Toda ela, está vertebrada mediante a aparición de distintas representación do desexo que se enfronta a norma e ao poder patriarcal e heterosexista.

Segundo avanzamos polos corredores e polas salas, mergullámonos na historia desta realidade que foi negada e desprestixiada durante moito tempo, e aínda hoxe en moitos lugares.

” En todas as partes…” ábrenos os ollos aos comezos da organización do movemento de liberación gay, pasando pola aparición do VIH e a súa conseguinte utilización polos sectores máis retrógrados da sociedade para condenar a poboación homosexual pola, supostamente, desorde moral causada. Tamén plasma o impacto e a influencia das teorías des-identitarias, rachando co estrito binomio de xénero. Xorden pois, imaxes de mulleres que comezan a posar coma homes e homes que cuestionan a estereotipación da feminidade. A comunidade transexual adquire forza, e o debate sobre a intersexualidade ábrese paulatinamente.

Hoxe parece que o mundo xa se abriu á realidade da pluralidade sexual, mais non nos enganemos, a discriminación brutal e a penalización da homosexualidade subsiste aínda en 85 países.

Aquí atópase a segunda industria pornográfica máis grande do Mundo, nada mal para ser unha illa cun tamaño moi lonxe de onde se atopa a primeira industria, EEUU. En moitos lugares os videos de películas normais atópanse practicamente ao carón dos videos porno… Non fai falla acudir a unha tenda “para adultos” para atopármonos con obxectos eróticos, abonda con percorrer as rúas, de feito, nalgún mercado podémonos atopar con púdins coma estes, “Yokohama Bust Pudding”. Tampouco é inusual ver máquinas que venden muñecos de Dragon Ball Z e Pokemon á beira doutras que expenden bonequiñas semiespidas en provocadoras posturas.

Porén, parece contraditorio ó comportamento dos propios xaponeses en público. Dise deles que non adoitan expresar os seus sentimentos. Bicarse pola rúa ou mesmo collerse da man, poucas veces se ve. Os rumores, din que o feito de buscar sexo fóra do matrimonio non está mal visto e incluso chega a ser aceptado ou entendible por parte da parella feminina… pero estas cousas nunca se saben.

Sen dúbida algunha, Xapón é outro mundo. Unha cultura tan diferente a nosa, no que respecta á sexualidade non podería ser menos. Quizais, dentro dun tempo volvamos facer outra paradiña neste país para poder descubrir tódolos seus misterios.

Se queres saber máis bótadelle un ollo o seguinte enlace:

http://www.youtube.com/view_play_list?p=566D124A4684B733&search_query=sexualidad+japon

Reportaxe sobre Xapón:

http://www.youtube.com/watch?v=iTBw14_jinI&feature=related

]]> http://alouminhandobocas.wordpress.com/2009/05/23/descubrindo-o-mundo-2/feed/ 0 alouminhandobocas http://alouminhandobocas.wordpress.com/2009/05/19/eros-galicia-09/ http://alouminhandobocas.wordpress.com/2009/05/19/eros-galicia-09/#comments Tue, 19 May 2009 22:19:12 +0000 alouminhandobocas http://alouminhandobocas.wordpress.com/?p=315 ]]> Este ano celébrase por primeira vez na Coruña o festival erótico EROS GALICIA. Os días 5,6 e 7 de Xuño daranse cita no recinto de EXPOCORUÑA afeccionados, curiosos, prestixiosas produtoras/distribuidoras de cine para adultos, así como directores, actores, actrices nacionais e internacionais.

Ademais disto tamén estarán presentes os  produtos e servizos que fan do sexo un motivo de encontro divertido e desenfreado.

Nos tres días que durará o encontro, romperanse cos prexuízos en torno sexo e realizaranse todo tipo de espectáculos divididos por áreas temáticas: acrobacias eróticas, streapteases, rodaxe dunha película X en directo, concursos, restaurante erótico, TupperSex …

Segundo a propia web se visitamos o salón poderemos:

• Coñecer aos principais artistas eróticos, fotografiarte con eles e velos actuar en espectaculares e ardentes shows.
• Descubrir o atelier erótico, presenciar shows de fetichismo, loita na espuma, S/M e strip-tease.
• Coñecer as últimas novidades da industria cinematográfica e editorial para adultos.
• Curiosear entre unha ampla e renovada gama de produtos eróticos que che ofrece a rúa do pracer. Aparte de dispoñer de asesores eróticos en cada un dos sex shop da rúa do pracer ofrecémosche tamén charlas onde se presentan as novidades mais xugosas do mercado Europeo e Americano.
• Probar un perruqueiro íntimo, facer un piercing ou unha tatuaxe.
• Poderás sacar á luz as túas dúbidas máis íntimas e dar a coñecer o teu lado máis sensual na ampla gama de concursos que temos para ti.
• Facer da túa vida unha fonte de descubrimentos infinitos.
• Ampliar a túa concepción sobre o sexo.
• Participar en divertidos concursos e aprender en interesantes talleres.
• Observar as últimas novidades en arte erótica.
• Ver como se filma unha película X.

View Larger Map

Horario:

Viernes 05/06 – de 16:00 a 02:00

Sábado 06/06 – de 16:00 a 02:00

Domingo 07/06 – de 12:00 a 22:00

Prezo da entrada

Ticket por 1 día – 20€

Enlaces de interese:

http://www.erosgalicia.com/gallego/iniciog.html

http://www.expocoruna.com/

Contacto de prensa:

prensa@erosgalicia.com